May 17, 2019 1 min to read

کچھ واہموں کی شوخیِ پرواز دیکھنا

کچھ واہموں کی شوخیِ پرواز دیکھنا
پھر ہو گی عام بات ہر اک راز دیکھنا

جانے فتورِ گوش ہے یا معجزِ نظر
صد موجۂ سکوت بر آواز دیکھنا

کرنا نگہ کا از سرِ نو شرحِ خوش دلی
ہر ذی نفس کو شاد و سرافراز دیکھنا

سو نکتے سوچ لائیں ہیں تجلیلِ عشق میں
ان عاشقوں کے عشق کا اعجاز دیکھنا

 خاکسترِ امید ہے رانندۂ حیات
زورِ طلسمِ دودِ نفس تاز دیکھنا

زنگار میں ہے تابِ الم دل میں پر نہیں
کیا یار سوئے آئنہ پرداز دیکھنا

محمد ریحان قریشی